Elísabet Sveinsdóttir

1.des.

2003-12-01T19:33:00.000Z

það eru að koma jól. Ég er að fatta það núna þessa dagana að þessi önn er að verða búin og það er að koma jólafrí. Mér hefur þótt skemmtilegt að gera þennan vef sem ég er búin með og er bara nokkuð stolt af honum.

ég fór og kíkti inná verkefnin sem staðbundnu krakkarnir eru búin að gera og ég verð að segja að þessir vefir eru mjög flottir og gaman að skoða þá. ég get ekki tekið neinn einn út því þeir sem ég skoðaði voru mjög flottir, eins og áður sagði.

En nú verð ég að halda áfram að lesa undir aðferðarfræði því það er próf á föstudaginn.

Komin aftur.

2003-11-28T10:59:00.000Z

Heil og sæl.

Það er nú frekar langt síðan í kom inn síðast. Það er búið að vera brjálað að gera og stoppar ekki fyrr en 15. des. Ester Helga er að koma í bæinn í dag og við ætlum að reyna að vinna einhvað saman í dag og um helgina.

ÉG er að klára heimasíðuna mína og held að hún sé nú bara í nokkuð góðu lagi en það væri samt gott að fá comment á það frá Salvöru. Ég skráði mig inná Hvuttar.net og leitaði ráða þar og fékk góð ráð frá fullt af fólki sem er að ala upp hunda alveg eins og ég.

Ég ætla að reyna koma sem fyrst aftur inn og leggja eitthvað gáfulegt til málanna.

Veðrið

2003-11-21T13:01:00.000Z

Mikið er fallegt og gott veður í dag. Er bara að reyna að finna aðra byrjun en venjulega.

Ég er að reyna að skrá mig inná Msn en það gengur ekki vel. Ég ætla að reyna betur og fá Pésa bróðir til að hjálpa mér.

Annars gengur allt svona meinhægt og ég er farin að hafa smá áhyggjur af því sem framundan er.

En nú er að koma helgi og allir eru í góðu skapi.

Vikulok.

2003-11-20T13:47:00.000Z

Jæja það er að koma helgi. Trúið þið því??

Ég er að stíga uppúr flensu og það hefur ekki verið skemmtilegt. Vikan hefur þess vegna farið öll í að bryðja verkjalyf og hálstöflur.

Annars er maður að vakna upp við vondan draum og bráðum er að koma próf, að vísu bara eitt en það er alveg nóg þegar maður er að kafna í öllu öðru.

Heimasíðan mín er flott og fín þó ég segi sjálf frá og ég verð nú bara segja að ég er nú bara þrælmontin.

En annars var það ekki meira í bili.

Heimasíðan mín tilbúin.

2003-11-17T22:15:00.000Z

Hæ hó.

Þá er heimasíðan mín komin inn á netið og búið að setja inn myndir og allt. Ég er mjög montin af henni þó að hún sé ekki há í standard hjá fagmönnum. En það verður bara að hafa það.

Heimsóknin okkar á Stöð 2 gekk alveg rosalega vel og okkur var vel tekið. Við fengum að skoða þar sem Ísland í bítið er tekið upp og Popp tíví. Krakkarnir skemmtu sér vel og nú er bara að fara að vinna verkefni um þessa heimsókn.

Endilega að kíkja á heimasíðuna mína: Beta

Vikulok.

2003-11-13T20:33:00.000Z

Föstudagur að koma einu sinni enn. það er alveg rosalega stutt til jóla en sem betur fer er ég búin að kaupa allar jólagjafir. ég er að fara með bekkinn minn upp á Stöð 2 í fyrramálið að fygjast með upptöku á Íslandi í bítið en það er liður í foreldrakynningunni minni sem fer fram á hverjum föstudegi. Það verður örugglega rosalega gaman og við hlökkum öll mikið til.

Ég er að verða rólegri yfir því að heimasíðan mín er kannski ekki eins vitlaus og ég hélt en ég þarf að læra að tengja undirsíður við aðalsíðu en ég fæ enginn viðbrögð við fyrirspurnum mínum á netinu, hvorki inná spjallinu eða í tölvupósti en það kemur að því að ég læri þetta, ég er spá í að fara niður í skóla og leita mér upplýsinga þar.

En læt þetta duga í bili.

Heimasíðan mín.

2003-11-12T08:46:00.000Z

Jæja þá er þetta allt að koma hjá mér. Ég er að vinna á fullu í heimsíðunni minni og hún er komast svona í samt lag. Ég sá það í gær að ég hafði slegið inn vitlausa slóð til að komast inná bloggið mitt en ég ætla að laga það í dag þegar ég kem heim.

Ég þarf að fara að byrja á ritgerðinni minni í ljóðum og líka að fara að klára verkefnið hjá Guðmundi svo að það sé eitthvað búið hjá mér. Þetta hefst allt með kalda vatninu.

Sveinn Aron frændi minn í London liggur nú á spítala eftir aðgerð á botnlanga. Hann varð mikið veikur og botnlanginn var byrjaður að leka þegar þeir tóku hann en hann er allur að koma til og verða hressari.

Kolka greyið lenti í hrakningum í gær þegar við fórum í labbitúr með Badda og Erlu. Hún datt ofaní holu sem varð á vegi hennar og varð frekar skelkuð en jafnaði sig fljótt.

Svo er afmæli á laugardaginn og Íris verður 3ja ára, það verður mikið fjör og mikið gaman.

Það er hægt að smella hér ef áhugi er fyrir því að skoða heimasíðuna mína: Beta

Komin aftur.

2003-11-11T11:37:00.000Z

Mikið rosalega er ég dugleg þessa vikuna. Ég byrjaði í gær að setja inná síðuna mína og ég held að þetta hafi gengið ágætlega miðað við aldur og fyrri störf. Ég er að fá magasár yfir öllum þeim verkefnum sem ég á eftir fram að mánaðarmótum. En þetta hlýtur að takast hjá mér, það bara verður að gera það.

Það er gott að vera komin aftur til vinnu og vera með krökkunum mínum á daginn en það er líka voða gott að koma heim og knúsa kallinn og hunda mína, Bellu og Kolku. Svo þegar stelpurnar koma heim þá eru þær teknar og knúsaðar. Steina er nú yfirleitt ekki heima heldur vill hún frekar vera hjá vinkonum sínum og leika þar, þannig að það er stundum stríð að fá hana til að læra heima en það tekst yfirleitt á endanum. Íris er í leikskólanum til 4 og þá kemur hún heim og fer að handfjatla Kolku litlu sem er frekar varnarlaus þegar hún læsir hendurnar undan um hana. En það kemur að því að hún nær að verja sig fyrir henni og þá verður hún ekki eins spennandi.

Ég á að fara að hitta Vöndu í dag og ræða lokaverkefnið við hana, okkur Ester langar að gera rannsókn á einelti í íþróttum og það verður mjög spennandi að gera það.

En ég læt þetta duga í bili.

Taka tvö.

2003-11-10T13:19:00.000Z

Jæja, það tókst ekki síðast að blogga svo ég reyni aftur núna. Ég fékk front page í tölvuna mína í gær svo að nú er ég að fara í það að læra á þetta aftur og rifja upp.

Mér gengur ekki vel að skilja þetta og er að renna á afturendann með þetta allt saman en þetta hlýtur að reddast í byrjun vikunnar. Ég ætla að setja þessi verkefni mín í forgang og koma þeim inná netið svo að ég geti farið að monta mig af þeim, því ég hef orðið vör við að fólk í kring um mig finnst þetta meiriháttar sniðugt að setja upp svona heimasíðu.

Samkennarar mínir í leikfimi finnst ég algjört tölvunörd því ég kann aðeins meira en þau!!!!

Nú ætla ég að fara að demba mér í þetta samhliða því að ala upp nýja hundinn og hjúkra manninum mínum.

Nýr fjölskyldumeðlimur

2003-11-06T19:19:00.000Z

Í dag bættist við litlu fjölskylduna okkar. Hún Kolka kom til okkar og hún er nú ósköp smá og lítil. Bella tekur henni ágætlega en sú litla er svo róleg og góð að hún er eiginlega búin að sofa alveg síðan hún kom heim.
Nonni kom líka heim í dag af spítalanum og er ósköp slappur. Hann verður að passa sig næstu daga svo hann nái þessu úr sér og verði hress.

Ég er að fara niður í skóla á morgun á fund með Vöndu út af lokaverefninu og svo ætla ég að reyna að komast áfram í þessu vefdóti mínu því það virðist enginn vilja hjálpa mér af samnemendum mínum en svona er það bara.

Vona að ég komist eitthvað áfram í þessu námi mínu næstu daga.

Er á lífi.

2003-11-04T17:26:00.000Z

Jæja, ég er komin aftur. Það er nú svolítið langt síðan ég bloggaði síðast en svona er þetta bara.

Ég fór til London 30. okt og sú ferð varð aðeins styttri en áætlað var því Nonni minn var lagður inná spítala fyrir helgi þannig að ég dreif mig heim til að sinna honum. Hann verður inni eitthvað fram eftir viku þannig að það er allt í klessu hjá mér hvað varðar skólann minn.

Ég er að lenda í miklu basli með þessi vefsíðu mína því ég er svo hrædd við þetta svona ein og alein í heiminum en það hlýtur að fara að koma að því að mér takist að vinna bug á þessari hræðslu. ég ætla að fara niður í skóla og reyna að gera eitthvað þar í vikunni og setja þetta dót inn þar því þar getur kannsku einhver hjálpað mér!!!!

Föstudagur.

2003-10-24T09:38:00.000Z

Vikulok og en aftur komin helgi. Við fengum mömmu hennar Margrétar í dag í foreldrakynningu og hún kynnti fyrir okkur textílmenntun krakkana í Garðaskóla. Svo skildi hún eftir spotta til að búa til vinabönd svo að nú er bekkurinn minn á fullu að búa til vinabönd. Þau eru mjög fær í þessu og finnst þetta mjög skemmtilegt.

Það verður að vinna mikið um helgina og klára verkefni. að vísu fæ ég heimsókn á morgun, vinur hennar Bellu ætlar að vera hjá okkur á morgun, hann Baddi. Foreldrar hans eru að vinna svo hann þarf að fá að vera einhvers staðar á meðan.

Nú er það svart. Ef flugvirkjar fara í verkfall þá verð ég br...... Það getur ekki verið að þeir megi vera í verkfalli í langan tíma, kannski bara sólarhring!!! Vona það því ég verð að komast út til systu.

Nú er hálfur mánuður þar til Kolka kemur til okkar, nýji hundurinn hans Nonna. Vonandi lærir hún ekki ósiðina hennar Bellu sem er að vera hrædd við Nonna greyið.

KOminn aftur

2003-10-23T11:12:00.000Z

Í dag er fimmtudagur og nákvæmlega vika þangað til að ég fer út til London. Það hafa nú ekki verið skemmtilegir dagar í þessari viku, er búin að liggja í flensu síðustu tvo daga og er að koma til. Skólinn gengur ágætlega hjá mér þessa dagana og nú er ég farin að sjá fyrir endann á þessari önn. Samt er heilmikið eftir og nóg að gera. Nonni er sæmilegur þessa dagana og stelpurnar alltaf hressar. Íris heldur fjölskyldunni við efnið og allir hafa gaman af.

Frúin fór að æfa fótbolta og er að byrja tímabilið á því að meiðast uppá mjaðmagrindinni, dont ask!!!

Læt þetta duga í bili.

Mánudagur

2003-10-20T09:41:00.000Z

Jæja þá er að skrifa hér inn í vikubyrjun. Samræmduprófin búin og nú er bara gleði og glaumur framundan!! Samfélagsfræðin verður sett á oddinn og keyrt svolítið á hana. Í næstu viku verða foreldraviðtöl en ég veit ekki hvort við frestum þeim þangað til að niðurstöður úr prófunum koma. Mér finnst það miklu eðlilegra því það bíða allir voða spenntir eftir þeim.

Svo eru 10 dagar þangað til við mæðgur setjumst upp í flugvél og fljúgum til London að heimsækja Röggu systu og co. Okkur hlakkar mikið til.

Vikulok. Einu sinni enn

2003-10-17T08:54:00.000Z

Föstudagur enn og aftur. í dag er íslenskuprófið hjá bekknum mínum og gær þreyttu þau stærðfræði. Það gekk nú bara ágætlega hjá þeim og ég kvíðið ekki að fá niðurstöður. Vikan er annars búin að einkennast af undirbúningi undir þessi próf þannig að í næstu viku tökum við upp hefðbundnari vinnubrögð og förum að kýla á samfélagsfræði og reyna setja það svolítið meira í gang.

Kennarapartýið sem átti að vera í kvöld var blásið af vegna sviplegs fráfalls eins kennarans hjá okkur. Leynivinurinn minn fær nú samt að vita hver ég er þó að það sé bara kunngert í skólanum. Ég er leynivinur Grétars sem er að kenna með mér í 4.bekk. Hann grunar ekki hver ég er og það er frekar fyndið þegar hann er að opna gjafirnar frá mér og fattar ekki að þetta er ég. Frekar skemmtilegt!!!!

Annars gengur námið nú bara sæmilega og nú verður sett í fjórhjóladrif og haldið í víking og verkefni kláruð svo að maður geti nú létt eitthvað á sér fyrir próf. Ég fer nú samt bara í eitt próf, aðferðafræði og það verður að lesa mikið og vel.

En nú ætla ég að vera duglegri að skrifa hér inn og færa nýjar fréttir.

Bless í bili.

Vikulok.

2003-10-10T10:40:00.000Z

Þá er ein vikan liðin og alltaf fækkar dögunum á þessu ári. Það styttist í ferð mína og Steinunnar Elvu til London og við erum að telja niður, eða aðallega Steinunn.

Vikan er búin að vera sæmileg. Nonni er búin að vera frekar slæmur og var ein svefnlaus nótt í vikunni. Hann er nú samt að koma til eða svo er það kannski bara óskhyggja í manni en svo má líka segja það að ef maður hættir að vona og trúa þá er maður illa staddur í lífinu. Svo að ég leyfi mér að vona og trúa því að hann fari að skána og vonandi að vinna hálfan daginn sem fyrst.

Í skólanum eru krakkarnir búnir að vera mjög góð. Við förum í Öskjuhlíð á miðvikudag og það var rosalega skemmtileg ferð. Þau voru að vinna verkefni um mismunandi tré og unnu það öll mjög vel. Vð förum með rútu og vorum um 1 1/2 klst. Svo erum við að vinna verkefni í stofunni sem tengist þessari ferð.
Við kennararnir tókum eftir miður skemmtilegum hlutum sem eiga sér stað í Öskjuhlíðinni, þar eru fíklar að uppfylla þarfir sínar og skilja svo tólin eftir á víðavangi þar sem hver sem er getur fundið það. Við fundum sprautur með nálum, ílát sem höfðu verið notuð undir efnin og margt fleira. Þetta fannst okkur ekki sniðugt því þetta er svo vinsæll útivistarstaður.

Foreldrakynningin hélt áfram í dag og við fengum heimsókn frá hjúkrunarfræðing, Fríðu mömmu hans Andra Þórs. Hún sýndi okkur alls kyns tól og tæki sem hún notar í vinnunni sinni og tók blóðþrýsting á mér og blóðprufu. Ég sýndi mikið hugrekki og stóð mig með mestu prýði, leið ekki yfir mig. Krakkarnir fengu að hlusta á hjartsláttinn sinn og svo gaf hún þeim blöð um hjartavernd og talaði um mikilvægi þess að hugsa vel um hjartað okkar, borða hollan mat og hreyfa okkur.
Þetta var mjög skemmtilegt og fróðlegt og svo vinnum við verkefni um þessa heimsókn í næstu viku. æ
Mamma hennar Margrétar Önnu kemur svo eftir hálfan mánuð því næsta föstudag er samræmt próf í íslensku, jiiiibbbíííí.

Íris Embla er að fara í sveitina með Gunnu ömmu í dag og Steinunn Elva fer i kvöld með Sveini afa og Steinu ömmu að sækja hestana í sveitina til Gunnu ömmu og fara með þá á morgun austur í Haga. Svo á sunnudag verður farið og þeim gefið ormalyf og hófarnir snyrtir. Þannig að það er stór helgi framundan hjá litlu fjölskyldunni og svo þarf frúin að vera dugleg að læra og klára um 2-3 verkefni.
Það er ekkert grín að vera svín og étin á jólunum, eða hvað??

2003-10-08T09:32:00.000Z

Ég er svo léleg að finna titil á pistlana mína þannig að ég ætla að sleppa honum núna.

Ég er búin að vera í hjúkrunarstörfum í vikunni og það er hann Nonni minn að þessu sinni. Hann er búin að vera frekar slappur og þarf að hafa hana Betu sína hjá sér til að þjóna sér. Þetta er ekki að verða auðveldara ef maður var að vona það og þessi sjúkdómur sem hrjáir hann er ekkert lamb að leika við. Ef það eru einhverjir sem lesa þetta þá er hann Nonni minn með MS og var greindur í febrúar á þessu ári þannig að það er nóg að gera hjá litlu fjölskyldunni.

Við erum að fara í Öskjuhlíð að greina tré og það verður örugglega rosalega gaman.

Svo er bara að halda áfram að læra og reyna að koma þessu öllu saman á þessum fáu klukkutímum sem ég hef til umráða á sólarhring.

Föstudagur og vikulok.

2003-10-03T08:07:00.000Z

Komin föstudagur einu sinni enn. Vikan er búin að vera góð í skólanum og börnin mín eru alltaf jafn dugleg og yndisleg. Þetta er bekkur sem kennari fær á 10 ára fresti og er ástæða þess að ég er að læra þetta fag.

Mér gengur eitthvað illa að komast í front page til að setja upp heimasíðuna mína en mun líklega bæta úr því í dag. Það verður að fara að komast í lag. En ég er bjarsýn kona og er viss um að þetta lagast á næstu dögum.

Er ekki málið að taka lífinu með bros á vör og halda inní helgina?

Góða helgi.

Heimasíðan.

2003-10-01T08:47:00.000Z

Hugmyndir mínar um persónulega síðu er að reyna að bæta við það sem ég er búin með. En hvort það sé betra en að byrja alveg uppá nýtt verður bara að koma í ljós. Mig langar að búa til hefðbundna síðu sem er gaman að skoða.

Þarf að athuga hvort sé hentugara.

KSÍ á laugardag og er að komast í gírinn. Óvissuferð um daginn með TM og svo á ball um kvöldið með Ester Helgu yfirdjammara.

Vefleiðangur.

2003-09-30T20:00:00.000Z

Vefleiðangur. Það verður fróðlegt að sjá hvernig það tekst en við skulum reyna.

Ég hef ákveðið að hafa vefleðangurinn minn um það hvað þarf að gera og hverju þarf að huga að þegar maður ætlar að fá sér hund.

Kynning:
Að fá sér hund getur verið vandasamt verkefni. Ef búið er að taka ákvörðun um það þá þarf að huga að ýmsum þáttum sem eru kannski ekki svo augljósir. Hundar eru yndileg dýr og geta fyllt upp í skörð sem vinir, ástvinir og ættingjar skilja eftir þegar þeir hverfa á braut. Þeir eru tryggir húsbónda sínum og láta ekkert fram hjá sér fara og eru bestu vinir sem maður getur eignast.

Verkefni:
Þið eruð fjölskylda sem er að velta fyrir hvort þau eigi að fá sér hund. Hvernig hund og hvaða tilgangi á hann að þjóna.

1. Skrifið niður reynslusögu hundaeiganda sem hefur átt hund lengi og á kannski fleiri en einn.

2. Skrifið niður reynslusögu hundaeiganda sem er nýbúin að fá sér hund og hefur aldrei áður átt hund.

3. Takið viðtal við dýralækni og fáið upplýsingar hjá honum um hvað þarf að athuga þegar maður ætlar að fá sér hund.

Bjargir
Stóra hundabókin og í raun allar hundabækur á bókasafninu.

Einnig er hægt að fara inná vefslóðir:
Dýraríkið
Byrja-Hundahald
Google Hér kemur upp fullt af síðum um hunda.

Ferlið:
Verkefnið er hópavinna. Vinnið 2-3 saman í hóp. Skrifð niðurstöður á word skjal, leturstærð 14, 1,5 línubil. Verkefnið á vera 3-4 bls og þið eigið að tilgreina heimildir. Verkefnið verður unnið í heimavinnu, bókasafni og í tímum og er ætlast til að nemendur sýni frumkvæði og séu hugmyndaríkir.
Hver hópur skilar inn ritgerð sem er vel uppsett og í alla staði vel gerð. Hópurinn kynnir svo sinn hund fyrir bekknum og má hann nota það sem honum dettur í hug, power point, videó sýningar eða heimsókn hunds af því kyni sem ákveðið er að fá sér.

Mat:
Þeir þættir sem lagðir verða til grundvallar í námsmati á þessu verkefni:
- virkni í tímum og heimildavinnu
- frágangur og útlit
- samvinna hópsins
- kynning á verkefni
Kennari útbýttir matsblöðum og nemendur taka þátt í mati á verkefnum en kennarinn metur síðan hvern hóp og gefur einkunn. Hver hópur gerir einnig sjálfsmat.

Niðurstaða:
Þegar verkefninu er lokið gera nemendur sér grein fyrir því hversu mikil vinna er að eiga hund og hugsa sig um áður en þeir bera þá bón upp við foreldra að kaupa hund. Einnig verður gaman að sjá hvort viðhorf til hunda hefur breyst hjá nemendum.

Tæknisaga og fleira

2003-09-30T19:41:00.000Z

Vá, það er komin ný vika og mánaðarmót. Ekki að ég sé á móti því en mikið líður tíminn rosalega hratt. Vikan hefur farið ágætlega af stað en þó er nóg að gera. Bekkurinn minn er búin að vera með fjörugarar móti það sem af er vikunnar en það er líka skemmtilegt því þá koma svo skemmtilegir punktar frá þeim.

Ég ætla að segja ykkur sögu af stelpu sem er 28 ára í dag og býr í Kópavogi. Þessi stelpa hefur alltaf búið í Kópavogi og eru langamma og af hennar með fyrstu ábúendum í þeim yndislega bæ. Þau bjuggu á Snælandi og stendur hús þeirra ennþá í dag. Jæja snúum okkur aftur að stelpunni. Við skulum skíra hana Hallgerði. Hún var alltaf dugleg að bjarga sér og þá var tæknin ekki undanskilin. Ef fólk í kringum hana lenti í vandræðum þá var iðulega mætt til að bjarga málum, stilla videó, tengja sjónvörp o.s.frv. Hallgerður lét sér ekkert óviðkomandi og reyndi þangað til hún gat ekki meir og þá var kallað í pabba. Henni þótti gaman að öllu tækjadrasli og var ung að árum farin að þýða enskar bækur á móðurmálið með hjálp tölvu sem vinkona hennar átti. Hún var fljót að tileinka sér nýja hluti, gekk vel í vélritun í menntaskóla og einnig í tölvum. Hún var aldrei hrædd við tölvur og nýtti sér þær ef hún þurfti. Hallgerður óx úr grasi og stofnaði fjölskyldu. Maðurinn hennar kunni mikið á tölvur og í raun allt viðkom tækninni, hann fór í nám og lærði að teikna heilu húsin í tölvunni og það sýndi Hallgerði hvað möguleikarnir eru óendanlegir ef maður kann vel að nota tölvur og nýta sér alla þá tækni sem til er. Hallgerður fór að nýta sér tæknina mikið og á í dag sjónvörp, videó, playstation 2, ferðatölvu og heimilistölvu og allar græjur í eldhúsið og þeirra vildi hún alls ekki vera án. Þannig að það er hægt að segja það að Hallgerður hefur nýtt sér tæknina vel og lætur hana vinna ýmis verk fyrir sig.
Þetta gengur meira að segja svo vel að hún er í fjarnámi við KHÍ og situr við tölvuna sína á hverjum degi og skrifar, vinnur vefsíður, býr til power point sýningar og svo framv.
Hún er ekki hrædd við tæknina og hlakkar til að sjá hvað hún hefur uppá að bjóða í framtíðinni.

Vikulok.

2003-09-27T11:03:00.000Z

Jæja þá er vikan búin og komin helgi. Mikið að gera um helgina, skírn á laugardag og leikhús á sunnudag. Ragga systir kom í gær með strákana og ætlar með okkur í leikhúsið að sjá Dýrin í Hálsaskógi. það verður gaman því við förum öll systkinin með alla krakkana og Íris Embla er búin að tala mikið um að fara að hitta refinn. Þetta verður örugglega mjög gaman.

Vikan var góð í skólanum og við komum heilmiklu í verk. Fyrsta foreldrakynningin var á föstudag og hún tókst alveg prýðilega, leikskólakennarinn hún Guðdís kom og kynnti fyrir okkur starf leikskólakennara. Svo í næstu viku vinnum við verkefni í tenglum við þessa heimsókn. Við héldum áfram með Ávaxtakörfuna og erum að verða búin með hana og þegar það klárast vinnum við verkefni tengd einelti og ræðum þessi mál. Það verða bekkjarfundir þar sem allir geta komið skoðunum sínum á framfæri og vonandi verður það málefnaleg umræða eins og bekknum mínum er von og vísa.

Eins og alltaf er brjálað að gera í skólanum og ég er ekki nógu dugleg að fara inn og skrifa í bloggið mitt en ég sá það í blaðinu í dag að Salvör kennari fékk verðlaun fyrir bloggið sitt og ég óska henni innilega til hamingju.

Mig langar að segja aðeins frá heimasíðu sem ég sá um daginn og á henni er að finna mjög fallega hunda sem er af Labrador kyni og eru ræktaðir sem veiðihundar. Við erum að spá í að fá okkur einn slíkan svo að Nonni geti haldið áfram að veiða en hann verður að hafa hjálparkokk með sér og þá er ekki slæmt að eiga góðan hund. Kíkið endilega á þessa síðu, Kolkuós Labrador

Fimmtudagur.

2003-09-18T10:05:00.000Z

Komin er fimmtudagur einu sinni enn og vikan er að verða búin. Þetta líður svo fljótt og bráðum skella samræmduprófin á. Maður er að verða nett stressaður vegna þess ekki kannski vegna barnanna minna heldur vegna dótturinnar.Hún er ekki mjög sleip í stærðfræði en það stendur til að bæta við námsefnið hjá henni og rifja upp með henni margföldunartöfluna. En þetta verður allt í lagi og ég geri ekki kröfur um einhverja 10 heldur bara að hún standi sig eins og hún gerir alltaf.

Ég var með námskynningar á þriðjudaginn og það gekk mjög vel. Ég og foreldranir ákváðum að hafa foreldrakynningu á hverjum föstudegi og þá kemur einn foreldri og kynnir það sem hann er að vinna við. Fólk vinnur mismunandi vinnu og gaman fyrir krakkana að vita hvað hinir foreldrarnir eru að gera á daginn. Við byrjum á föstudaginn eftir viku og ég hlakka rosalega til. Svo erum við líka að fara af stað með verefni um að efla hjá okkur bekkjarandann og ræða aðeins tilveruna frá þeirra sjónarhorni, bekkjarins. Ávaxtakarfan verður tekin til skoðunar og einelti og stríðni rædd út frá því. Það er verður líka mjög spennandi.

Power point.

2003-09-15T22:17:00.000Z

Hér kemur power point hugmynd okkar Esterar Helgu. Söguaðferð og saga hennar.

Sögurammi: Power point kynning.

2. Upphafið.
Ýmsir einstaklingar koma að mótun söguaðferðarinnar, t.d Rousseau, Dewey, Froebel, Montessori, Piaget og síðar kom Margaret Donaldsson. Byrjað var að líta á kennslu barna sem mikilvægt stig í menntun sem hefði sína eigin áherslu. Þroski og framfarir barnsins var aðalatriðið. Nemandinn átti að vera virkur og læra um heiminn í gegnum eigin rannsóknir og reynslu. Menntun barna var miðuð við reynsluheim þeirra og samhengi átti að vera milli þess sem þau þekktu og voru að læra.
Endurmenntunardeild í kennaraháskólanum í Jordanhill í Glasgow fann nokkra kennara til að finna leið til að til að aðstoða kennara til að vekja áhuga nemenda á samfélags- og náttúrufræði. Aukin samþætting átti að vera og breytinga var þörf frá þeim aðferðum sem fram höfðu farið í hreinum staðreyndarlærdómi.
Söguaðferðin heitir á ensku Storyline og það tók mörg ár að þróa hana í það sem hún er í dag. Stofnuð voru samtök um að þróa og varðveita upplýsingar um aðferðina. Aðferðin hefur verið notuð í Vestur – Skotlandi í mörg ár á mismunandi hátt og fer það eftir því hver á heldur. Félagar í samtökunum koma frá ýmsum löndum og nota Storylina aðferðina og hafa áhuga á henni.

3. Hvað er söguaðferð?
Hún er ekki bara kenning heldur líka aðferð við að nálgast ákveðið efni á skemmtilegan og skiljanlegan hátt fyrir nemendur. Aðferð sem kennarinn notar til að nálgast þemaverkefni. Hún byggir á því að við eigum auðveldara með að læra það sem við erum að gera í gegnum sögu. Sagan hefur skipulag, tímaröð, umhverfi og hún raðar hlutum í samhengi eftir sögunni. Við munum t.d. hvernig Íslendingasögurnar gerðust í gegnum sögur. Kennarinn hefur mjög ákveðið skipulag sem hann fer eftir en nemendur þekkja það ekki. Nemendur verða að hafa áhuga á sögunnu og vilja til að halda áfram. Eftir að kennarinn kynnir söguna þá þróa nemendur hana og galdurinn er sá að nemendur verði þátttakendur í sögunni.

4. Ramminn utan um söguna.
Söguþráðurinn kemur fram í köflum sögunnar. Kennarinn þarf að passa sig á því að fara ekki út fyrir eða of langt í söguþræðinum innan hvers kafla því þá gætu nemendur misst þráðinn. Kaflarnir mega ekki vera of langir.
Lykilspurningar koma fram í öðrum dálki mjög mikilvægar og eru þær opnar og ekki hægt að svara já eða nei. Það er ekkert eitt rétt svar við spurningunni og því getur skapast skemmtileg umræða um hverja spurningu.
Vinna nemenda skiptir höfuðmáli og í henni kemur svarið við lykilspurningunni. Ýmist vinnur bekkurinn í hópum eða hver fyrir sig og stundum vinnur allur bekkurinn saman að einhverri lausn. Tilgangur aðferðarinnar er að láta nemendur vinna á mismunandi hátt með mismunandi félögum eða einn síns liðs.
Uppástungur um efni og gögn koma fram í hverjum kafla. Stundum eru sérstök gögn nauðsynleg frá byrjun og þá eru einungis undantekningar tilgreindar í hverjum kafla.
Afraksturinn rekur svo lestina en er samt mikilvægasti hlutinn af allri vinnunni. Þá er hægt að sjá hvað gert var og hvernig til tókst en ekki má gleyma vinnunni sem lögð var í verkið þegar kennarinn metur verkefnið.

5. Söguaðferð á ýmsum aldri.
Aðferðin hefur verið mest notuð til að kenna samfélags- og náttúrufræði. En samþætting aðferðarinnar við aðrar námsgreinar er mikil. Það felst mikil íslenska í vinnunni sem fram fer með lestri, skrift og lesskilning. Sagan kemur líka mikið inn í aðferðina, t.d. í rammanum um Landnemana, þar sem lært er um landnema Íslands og það telst til sögunnar. Námsefninu er ekki skipt niður í ákveðnar greinar heldur er litið á þetta sem eina heild.
Þessi aðferð hentar líka vel til að kenna erlend tungumál og getur hún orðið til þess að námið verður skemmtilegra og fjölbreyttara.
Söguaðferðin hentar ekki einum aldri frekar en öðrum, það hafa allir gaman af að læra hana og vinna eftir henni og það er endalaust hægt að finna viðfangsefni til að setja inn í aðferðina. Það er svo vítt svið sem aðferðin spannar, hún tekur á náttúruvernd og hægt er að láta nemendur fá annað sjónarhorn á þá hluti sem við viljum vekja áhuga á í náttúrunni. Fullorðið fólk lærir eftir þessari aðferð og hefur hún nýst vel þegar kenna á lestur hjá illu læsu fólki, t.d. fræða konur í fjallaþorpum í Nepal um hreinlæti og sjúkdóma.

6. Aðferð um allan heim.
Upphaflega þróuð í Skotlandi og var fljót að breiðast út um landið. Hefur verið notuð á ýmsum stöðum í Evrópu og einnig í Ameríku. Það er ákaflega fróðlegt að sjá hve ólíkar aðferðir eru notaðar til að kenna söguaðferðina. Það er hægt að laga hana að aðstæðum hverju sinni og setja hana inn í það umhverfi sem hver kennari býr við.

7. Einkenni söguaðferðarinnar.
Öll þekking bekkjarins fær að njóta sín og hugmyndir nemenda og reynsla er grunnur að nýju þema. Nemendur eru virkir og skapa sér sína eigin mynd af hlutunum, skilngarvitin eru öll notuð bæði við rannsóknir og að koma niðurstöðum sínum á framfæri. Söguhetjurnar verða til með hugmyndum nemenda og eru örvaðar til áframhaldandi þróunar. Sjálfstraust eykst þegar árangur verður betri bæði hjá nemendum og kennara. Gott skipulag er nauðsynlegt til að öllum líði vel og þá eykst gagnkvæm virðing milli nemenda og kennara. Hægt er að móta aðferðina að þeirri tækni sem hver kennari hefur yfir að ráða hverju sinni og þá eru meiri möguleikar að allir nemendur fái verkefni við sitt hæfi. Samvinna verður fjölbreyttari og það gefur nemendum aukna innsýn í samnemendur sína og þarfir hvers og eins eru virtar.
Allir nemendur eru virkir og þá finna þeir til ábyrgðar sem er nauðsynlegt fyrir alla að finna.

8. Af hverju söguaðferð?
Söguaðferðin býður uppá margar leiðir að sama marki. Hver bekkur hefur sitt einkenni og þá fær það að skína í gegnum verkefnið hjá þeim. Enginn kennari gerir sama hlutinn og þá líta ólík verk dagsins ljós úr sama ramma. Nemendur eru virkjaðir til vinnu sem þeir hafa gaman af og finnst þeir verðugir til að takast á við verkið. Samvinna milli kennara og nemenda er mikil því hugmyndir nemenda halda verkinu á floti. Ólíkar þarfir eru virtar og skoðaðar og hver fær verkefni við sitt hæfi.

Gleymdi mér aðeins.

2003-09-14T10:33:00.000Z

Ég gleymdi að setja vefsíðurnar inn þannig að hægt sé að tengjast þeim. En hér kemur það:

Besti vinur mannsins
Hundaræktunarfélga Íslands

Fyrstu verkefnin.

2003-09-14T10:27:00.000Z

Jæja, þá er komið að fyrstu verkefnum. Vefrallý og power point kynning. Ég er búin með vefrallýið og valdi mér hunda að fjalla um.

Vefrallý
Hundar
Verkefni um hunda. Þið eigið að vinna saman tvö og tvö saman og skila verkefninu á word skjali og vanda frágang.
Þið finnið svörin hér:

Bestivinur.com
Hrfi.is

1. Hvernig eru fyrstu þrjár línurnar í bæn hundsins?
2. Hvað er talið að til séu margar hundategundir í heiminum?
3. Finndu stjörnumerkið þitt og segðu frá hvernig hundur þú myndir vera?
4. Hvenær var vefurinn bestivinur.com stofanður og af hverjum?
5. Lýstu því hvernig hvolpur er þegar hann fæðist?
6. Hvenær var Hundaræktunarfélag Íslands stofanð?
7. Hvað eru margar deildir innan Hundaræktunarfélgasins?
8. Hvar er Hundaræktunarfélagið til húsa?
9. Cavalier King Charles er einn vinsælasti hundur á Íslandi. Hvað þarf hann að fara í bað oft í mánuði?
10.Hvað heita litaafbrigðin og hvernig eru þau?
11. Hvað fæddust margir Cavalier hvolpar 2002-2003?
12. Af hvaða hundi er fyrsta myndin í myndalbúminu og til hvaða verðlauna vann?
13. farið nú inná hrfi.is og deildir og veljið ykkur eina tegund af hundum og segið frá henni og af hverju þið völduð hana?

Ég held að þetta bara ágætt hjá mér. Svo á ég eftir að setja þetta upp og gera þetta flott.

Ég var búin með power point kynningu en veit ekki hvort hún gengur en ég ætla að leggja það undir Salvöru hvort það sé í lagi. En ef ekki set ég annað inn í kvöld.

Gekk upp.

2003-09-11T10:10:00.000Z

Þetta gekk upp og ég er voða kát. Nú er að halda áfram að setja inn merkisatburði í mínu lífi. Nonni átti afmæli í gær og það var svo gott að borða að ég er ennþá södd. Tengdamamma eldaði fyrir okkur og hún er nú algjör snillingur, ég veit ekki hvar ég væri án hennar.

Námið gengur vel og ég er að fara að búa til vefrallý og undirbúa power point kynningu á námsefni því það sem ég gerði síðast gengur ekki. Ester er að drukkna í Eyjum og það er ekki auðvelt að ná sambandi við hana þessa dagana en það hlýtur að fara að lagast.

Börnin mín eru í leikfimi eins og er og ekki leikur veðrið við þau, greyin mín. En það er sagt að maður hafi gott af því að láta blása aðeins framan í mann, er það ekki?

Komin aftur.

2003-09-11T10:08:00.000Z

Þetta gengur eitthvað illa hjá mér, það kemur bara stundum inn það sem ég er búin að skrifa og þá er allt ónýtt. Ætla að prufa núna.

Bilað.

2003-09-09T22:16:00.000Z

Gekk upp.

2003-09-09T22:15:00.000Z

Þá er ég mætt aftur. Gerði einhverja vitleysu en þetta hafðist allt saman. Mikið rosalega er mikið að gera hjá manni núna og ég er alveg að drukkna. Brjálað að gera í vinnunni en börnin mín í 4.bekk eru alveg yndisleg og þau halda manni við efnið og maður er alltaf að heyra eitthvað nýtt frá þeim.

Nonni byrjaði í sjúkraþjálfun í gær og gengur vel og það er mjög jákvætt. Loksins farið að sjást til sólar hjá okkur. Við erum á leið í Skagafjörð um næstu helgi að smala hrossum og okkur hlakkar mikið til.

Læt þetta duga í bili.

Vandamál

2003-09-09T22:12:00.000Z

þetta er eitthvað skrýtið útlit á blogginum mínu. Ætla að athuga hvort þetta gengur.

2003-09-08T20:36:00.000Z

Power point kennsla.

2003-09-02T15:25:00.000Z

Ég er búin með power point efnið mitt og ég valdi ásamt Ester Helgu að fjalla um Söguaðferðina sem kennsluaðferð. ég setti upp kynningu á henni og sagði frá henni, uppruna, einkennum og af hverju að velja söguaðferðina. Ég er sjálf að kenna þessa aðferð og mér finnst það mjög skemmtilegt og gerir efnið meira spennandi og lifandi. En ég veit ekki hvort þetta gengur að nota það en það kemur í ljós.

Vefleikir.

2003-09-02T15:21:00.000Z

Þegar ég sá að við ættum að fara inná netið og finna okkur leik á vefnum og segja frá þá kom nú svolítið hik á mig. Ég hef aldrei gert slíkt áður og ég fór af stað en gekk ekki vel þangað til að ég fór inná Námsgagnastofnun og þar fann ég fullt af leikjum sem þjálfa í leiðinni atriði sem þurfa kannski meiri athygli en gefst í skólanum. Dóttir mín sem er 9 ára fer oft þar inn og finnur sér leiki sem hæfa henni og hennar áhuga hverju sinni. Þannig að leit mín að vefleik endaði hjá Námsgagnstofnun.

Vefir fyrir kennara.

2003-08-28T22:19:00.000Z

Þá er ég mætt einu sinni enn. ÉG er ekki alveg búin að stilla þetta inn hjá mér að fara inn 3svar í viku en ætla að bæta úr því. Ég fann vef sem heitir tmt.is eða Tákn með tali og það er vefur sem er nauðsynlegur fyrir alla kennara að vita um því þar er að finna svo margt nýtilegt þegar maður er með fatlaða nemendur eins og ég. Ég er með einn nemanda með Down syndrome heilkenni og mér finnst gott að vita af þessum vef sem ég get farið inná og kynnt mér nýtt efni sem varða hans tjáningarform og hann notar TMT til að tjá sig. Kíkið endilega á TMT

Skólabyrjun.

2003-08-22T23:55:00.000Z

Jæja þá hefst bloggið á eigin vegum í þessum grimma heimi. Nei ég segi svona. Það var skólasetning í dag og ég sá krakkana sem ég er að fara að kenna í vetur í fyrsta skiptið og mér leist nú bara mjög vel á þau. Þetta eru krakkar sem eru að byrja í 4.bekk og við erum öll mjög spennt að byrja veturinn og samstarfið í vetur. Ég er að kenna í Kársnesskóla og kann vel við þar og þar er einvalalið af kennurum sem kunna sitt fag. Við erum nú svo dugleg að við förum út að hlaupa/ganga 3svar í viku og þá fara bæði menn og málleysingjar með því við erum held ég tvær sem eigum hunda sem þurfa á hreyfingu að halda.

En ég held að þetta sé komið í bili. Vonandi get ég flutt nýjar fréttir næst.

Bless í bili.

Hrefnuveiðar Íslendinga.

2003-08-18T13:24:00.000Z

Íslendingar áttu að byrja að veiða hrefnu um helgina en það hefur ekki gengið ennþá. Það er verið að njósna um bátana og taka myndir af veiðunum sem allir eru nú ekki hressir með. En það má alveg búast við þessu þegar við erum að byrja á þessu.

Þetta er nú gömul atvinnugrein hjá Íslendingum og það er hægt að skoða ýmislegt um það á Hvalavefnum.

Við vorum líka í heimspressunni og það er pistill um hvalveiðar okkar á BBC vefnum

Það er kannski í mótsögn við veiðar að skoða hvali og græða á því en það er bara leið til að eiga í sig og á. Það er líka gaman að sjá þessi dýr í sínu náttúrulega umhverfi

Félagslegt líf í tölvunni.

2003-08-15T16:27:00.000Z

Hafið þið bælt í því hvað hægt er að gera á netinu. Maður þarf ekki að fara út lengur því maður getur verið í sambandi við alla á netinu. Það er hægt að eignast vini eða ástvini á vefnum og tala við þá í gegnum netið og maður þarf aldrei að hitta þá frekar en maður vill. Ef maður vill komast á deit þá er ekki vitlaust að fara inn á einkamál.is eða tengjast nýju kerfi sem heitir Friendster og þar er hægt að eignast vinanet og það er aldrei að vita hvort maður verður ekki heppinn að hitta einhvern þar sem manni líkar við og vill kynnast betur. Ef þjóðmálin heilla meira þá geta verið ansi heitar og skemmtilegar umræður þar.

Ragga systa að koma heim.

2003-08-15T16:20:00.000Z

Jæja, þetta gengur nú aldeilis vel. Ragga systir er að koma heim á morgun í smá frí í eina viku. Hún býr í London með manninum sínum og tveimur strákum, Sveini Aroni og Andra Lucasi. Þessi fjölskylda lifir og hrærist í fótbolta því maðurinn hennar er að spila með Chelsea í London. Mig hlakkar mikið til að fá hana heim og sýna henni nýju íbúðina mína. tra la la la la.

Tengt í sessunauta mína.

2003-08-15T16:08:00.000Z

Ég sit hjá Ester Helgu vinkonu minni og þjáingarsystur og Úlfhildi og mig langar að tengja mig við þær.

Kynning á sjálfri mér.

2003-08-15T15:56:00.000Z

Halló. Þetta er nú frekar skrýtið að vera að skrifa einhverja ævisögu á netið. Ég heiti Elísabet Sveinsdóttir og er 28 ára gömul, fædd 25.febrúar 1975 í Reykjavík. Ég er gift Jóni Þórðarsyni (við eigum eins árs brúðkaupsafmæli 17. ágúst) og við eigum tvær dætur, Steinunni Elvu 9 ára og Írisi Emblu 3ja ára. Við erum hestamenn og eigum þrjá hesta, Munda, Röðul og Yrsu og hundinn Bellu. Hún er hreinræktuð border collie tík og algjört gæðablóð. Við búum í Kópavogi og erum nýflutt í Reynihvamm. Ég er að kenna við Kársnesskóla, 4.bekk og leikfimi og er í fjarnámi við KHÍ og ætla að útskrifast í vor, ef guð lofar.

Ég á tvö systkini, Ragnhildi og Pétur Björgvin og þau eru bestu systkini og vinir sem hægt er að hugsa sér. Foreldrar mínir heita Sveinn og Steinunn og þau búa líka í Kópavogi.

Áhugamál mín eru hestamennska og fótbolti, ég er að spila með FH í sumar og er orðin frekar þreytt á því að tapa alltaf en við ætlum að bæta úr því fljótlega!!! Annars er markmiðið að halda sér í deildinni í lok sumars og fara ekki í umspil.

2003-08-15T11:31:00.000Z

prófa afur..

2003-08-15T06:43:00.000Z

prófa